|
|
La citronujoj (Lemon Tree)
2008 Israel
Realiginto : Eran Riklis
Kun: Hiam Abbass, Rona Lipaz-Michael,
Ali Suliman ...
Landlime inter Israelo
kaj Palestino, jen fabelo dolch-amara pri du virinoj kiujn chio shajne oponas,
krom citron-ghardeno kiu rivelos fortajn ligojn inter Salma, palestina vidvino
kaj Mira, la edzino de la ministro pri Defendo de Israel. La Israela armeo
ordonas elradikigi la citronujojn de Salma, pretekstante ke teroristoj povus
kashighi inter ili. Salma nepre volas savi siajn mirindajn citronujojn.
Shi ech iros ghis la Superega Kortego Israela por alfronti tie la timindajn
advokatojn de la armeo subtenitaj de la registaro. Sed palestina vidvino
ne estas libera agi kiel shi volas precipe kiam simpla najbareca afero ighas
strategia vetgarantiajho. Neatendite Salma trovos aliancanino en Mira. Inter
la du virinoj ekestas kompliceco kiu preterpasas la konflikton inter Israelanoj
kaj Palestinanoj.
La DVD estas simpla sed perfekte redonas la bildojn de la germana Rainer
Klausmann ("La Falo") kaj la sono rekspektas
la orientan etoson.
|
|
Tri jarojn
post "La Siria fianchino", la israela Eran Riklis donis al ni novan
politkan metaforon chirkaù la nocio pri (land)limo, kiu ne povis
lasi asocion kiel "Senlime" sen kunlabora reago, char temas
pri kritiko de landlimo, burokratismo kaj nekomunikebleco. La filmo krome
enhavas belegan protreton de virino en sia lukto kontraù antaùjughoj.
Hiam Abbas kelfkoje memorigas nin pri la granda Irena
Papas kaj la aliaj aktoroj, Rona Lipaz-Michael
en la rolo de ministra edzino kaj Ali Suliman
kiel advokato de Salma, bonege replikas al shi. Tiu filmo estas bela krio,
kiu transformighas en parolojn iam kantitajn de Felix Leclerc : «Kiam
la homoj vivos per amo…».
|
|
|
